Kuhhu' sumanga' pole pahaja. Salama' sitammu lako mentu'na kasahapuam. Salama' mentama Website Basa Bambam.
Mesa ongeam mala diongei silambi' anna sipa'tula' mesa soala mesa umpake basa Bambam.
Illaam inde website mala tau umbata Battakada Debata, umbata sanaka-sanaka tulasam tomatua anna tiolo-olo, umpehinggii penaniam, umpetua' video, anna budapi senga'na mala dipogau'. Inggana ia too mala dihinggi anna dibata umpake basata "Basa Bambam".
Sanaka-Naka Tulasam
Hettem Kapenombaam Lako Debata
Sadia Liturgi hettem kapoenombaam umpake basa Bambam. mala dibata anna di-download Etainde!
Kaheba Katilallasam Natuli' Markus
Kaheba kastilalasam natuli' Markus mala dipetua' anna dipehinggi'i muolai youtube Tim Penerjemah Basa Bambam.
Kaheba Katilallasam Natuli' Yohanes
Kaheba kastilalasam natuli' Yohanes mala dipetua' anna dipehinggi'i muolai youtube Tim Penerjemah Basa Bambam.
Diona Saki Korona
Saki korona mendadi wabah nasi'dingam buda hupa tau illaam inde lino
Deem sanaka tulasam diona inde saki, mala dibata anna dipetuak muolai:
Suha' Maseho
Suha' Maseho ia too mesa suha' si nabata mentu'na to matappa' lako Puang Yesus lako simesa-mesa ongeam illaam inde lino. Suha Maseho illaam basa Bambam mala deem aka pa'kamasena Puang Allataala muolai mentu' sabua'na anna umma'na lako buda ongeam, lambi' mala nakähä Tim Penerjemah basa Bambam to natuho Puang Allataala. Pengkähänganna Tim Penerjemah umpalutama basa Bambam tungka basana Suha' Maseho.
Felem Lukas
Felem tulasam diona Puang Yesus to diaala illaam mai Kaheba Katilallasam natuli' Lukas dipapia anna dipalutama ma'hupa-hupa basa illaam inde lino. Felem ia too deemmi duka' illaam basa Bambam. Illaam inde laman deem dipatoka felem tulasam diona Puang Yesus situhu' Kaheba Katilallasam natuli' Lukas illaam basa Bambam.
Tiolo-olo
Ma'tiolo-olo, ia too mesa kabiasaanna to Bambam. Tappana tuttuam tipadende lino, iya tuttuam kuhämmi diona tiolo-olo anna to ma'tiolo-olo, lambi' kamala tä'um ia deem si uhhingngi tiolo-olo to mangnguha tentomai. Deem sanaka-naka tiolo-olo dipasadia illaam inde laman. Batai Sitahhu'na..
Pepa'guhuam diaka susi ma'basa Bambam
Illaam paluäna Bambam deem sahhupa basa "basa Bambam", sapo' pantam oni anna pantam pessubungam pudu' lako simesa-mesa tondä'. Iam too anna dipahalluammi la deem mesa gahi' la dipehhondoi pada-pada untuli' basa Bambam. Nasuhum ditono' mesa pehhondoam la mepatette untuli' anna umpassubum dio pudu' basa Bambam. Batai Sitahhu'na..
Peluncuran Kaheba Katillallasam Sitonda Gamba' 2015
Kaheba katillallasam sitonda gamba'. Napapia Tim Penerjemah Basa Bambam sola Lembaga Alkitab Indonesia (LAI). Dipapia la mendadi tamba’ lako änä’- änä’ passikola minggu anna malai tutuam napohäe umbata Battakada Debata.
COVID 19 Uhhodo Lino
Pahandu’na taum dua sa’bu dua pulo
Lino tihodo, lino pangngindang
Saidi’ tatallang sihapang lopi
Napalusau hibu’, napalutama uwai.
Lino pangngindang naponnoi kuasanna setang
Lino tihodo naponnoi dosa ma’hupa tau
Buda hupatau mahea’
Buda siam duka’ bahani
Allo sibala’ bengi
Malilling sisalle masiä
Debata ma’tamba’ illalang inde lino
Debata ma’kuasa lako ma’hupa tau.
Änä’ Gassim
Iko tulisangngondoku…
Iko däjä bulabangku
To ma’tallu sulekkaku
To massohä sihatangku.
Pennenne’ pessoemu
Petaba-petaba tahatummu
La kuua…aka naande indomu ammu
dipangngidengam
Lambi’ dadingkoa’ iko pole’ änä’ gassim mapahepa’.
Tala muissam lupu’ anna hea’
To la sa’baha’, meimam anna mehapam
La mendadikoa’ andihi tatemponna pa’lembängam
La umpatahhu’koa’ pessalusipa’na nene diponene.
Sambajam lu lako botto litä’
Kassikam anna tilalla’
Aka ingganna pattujum-Mu sola pa’elo’-Mu
Ma’mesakam illaam sanga Maseho-Mu
Mendadi umma’ kahajaam-Mu.
Kipelauam pa’tamba’ lu lako bottoki Indonesia
Anna mala tandaam pa’kamase-Mu o..Debata
Ke’de’kam sitonda sambajam matim olo-Mu
Kahana malakam muolai kalappasam dio mai kasabuasam.
Anna la dadim too kaha-kaha kasalle
Illaam bottoki Indonesia
Anna lappa’ungkam dio mai saki lele
Aka anggam sangammu la dipa’kasallei.
